Friday, August 14, 2015

આપણા પગલા, આપણી વાત

આપણા પગલે પગલે આપણી વાત,
નિરંતર ચાલતી આપણી વાત.

વાત કરશો તો પગલા પણ બોલશે,
કહેશે વાત એક સફરની... સફરના આનંદની.

પગલાં જે પસાર થયા જાણે કેટલાયે તોફાની દરિયાઓથી,
ધક્ધક્તી રેત પરથી અને શીતળ ઝરણાંઓથી,
અને આવી પહોચ્યા અહી, જ્યાં
એક લીલીચમ ધરતી પર વરસી રહ્યો છે એક સોનેરી સૂરજ,
છે ગુલાબી અજવાળું ને મેહેકતું વન.
અને બધાની વચ્ચે..... હું અને તું.

વર્ષો જુનો આપણો  સફર.
છે તન પર પથરાયેલા કેટલાયે પડ,
પણ મન તો તારી ઉર્મિઓથી સીંચેલું એક ઘટાદાર વડ.

બે અજાણ્યા જીવોએ શરૂઆત કરી હતી સફરની,
હાથમાં હાથ મિલાવી, અને સાથે પગ માંડી.

અને પગલા હજીએ ચાલે છે... નિરંતર ચાલે છે.
ક્યારિક સ્હેજ આગળ, ક્યારેક સ્હેજ પાછળ... પણ સાથે.

સાથે રેહવાની રીત સમજાવતા આપણા પગલા,
દૂર સુધી લઇ જશે આપણી વાત.

આપણા પગલાં... 
નિરંતર ચાલતા આપણા પગલાં.

© 2015 Abhijit Pandit